🎓📚 მედალოსანთა დაჯილდოება
2022 წლის 12 ივლისს ბათუმის ღვთისმშობლის შობის სახელობის საკათედრო ტაძარში ბათუმისა და ლაზეთის მიტროპოლიტმა დიმიტრიმ ბათუმის წმ. ანდრია პირველწოდებულის სახელობის სკოლის 2021-2022 სასწავლო წლის წარჩინებული კურსდამთავრებულები ტრადიციულად დააჯილდოვა წმ. ანდრია პირველწოდებულის სახელობის სკოლის მედლებითა და ერთჯერადი სტიპენდიებით!
წლევანდელი მედალოსნები არიან:ელენე დოლიძენუკა ნაკაშიძელილე ტორონჯაძემარი იაშვილისალომე ჩოგოვაძემარი კეშელავანინი ჩხეიძენინი არძენაძე
გილოცავთ! გისურვებთ წარმატებებს!
🎓🌼📚გუნდი "სალამურა" - "ტვინების ბრძოლი" ოლიმპიადის გამარჯვებული!
ბათუმის წმ. ანდრია პირველწოდებულისნ სახელობის სკოლის გუნდი ,,სალამურა" მონაწილეობდა ,,ტვინების ბრძოლის" რესპუბლიკური სასკოლო ოლიმპიადის U5 ასაკობრივ კატეგორიაში ."სალამურა" აჭარის რეგიონში წარმატებით და ღირსეულად წარსდგა სხვა გუნდებს შორის და პირველობა მოიპოვა, ხოლო საქართველოს მაშტაბით მეორე ადგილი დაიკავა და გამარჯვებულ გუნდს მხოლოდ ერთი ქულით ჩამორჩა!
გუნდის წევრები არიან:დემეტრე გოგიაშვილინარი თურმანიძემიქაელ ალელიშვილინიკოლოზ ფუტკარაძეგოგა გაგუა
გუნდის ხელმძღვანელი - მათემატიკის მასწავლებელი ხატია ხალვაში. გილოცავთ!გისურვებთ წარმატებებს!🌏🏕🧭🏞 რთული და აკრძალვებით დატვირთული სასწავლო წლის დასრულებისას შესაძლებელი გახდა თანაკლასელთა ქალაქგარეთ ექსკურსიაზე წასვლა, ბუნებაში დასვენება, გალაღება, ღირსშესანიშნაობების დათვალიერება.
2022 წლის 16 ივნისს ბათუმის წმინდა ანდრია პირველწოდებულის სახელობის სკოლის VIII-6 კლასის მოსწავლეები დამრიგებელ მაია ახალაძესა და ისტორიის პედაგოგ ნატალია სირაბიძესთან ერთად იმერეთს სტუმრობდნენ.ექსკურსია შესაბამისი რეგულაციებისა და წესების სრული დაცვით ჩატარდა.
🎈🎼🌺💕🌸ტრადიციულად, "მხიარული მელოდიების"🎵🎵💚 შემაჯამებელი კონცერტით დასრულდა მიმდინარე სასწავლო წელი.
პატარებმა და გუნდის ხელმძღვანელმა ეკა ბჟინავამ ფერადი, ლამაზი, ხალისიანი სანახაობა წარუდგინებს თანატოლებს, მშობლებს, ახლობლებს!
კონცერტს საპატიო სტუმრის სტატუსით ესწრებოდა "მხიარული მელოდიების" დიდი მეგობარი პატარა დამიანე ნაცვლიშვილი.📚🏫 ბათუმის წმ. ანდრია პირველწოდებულის სახელობის სკოლაში 4 დღის განმავლობაში მიმდინარეობდა დიაგნოსტიკური ტესტირება IV, VI, IX, X, XI კლასებში.
ტესტირება აღნიშნულ კლასებში ჩატარდა ქართულ ენასა და ლიტერატურაში, მათემატიკასა და ცალკეულ საგნობრივ ბლოკში შემავალ საგნებში.
დიგნოსტიკური ტესტირება მიზნად ისახავს განვლილი რთული პანდემიური სასწავლო წლების შედეგების შესწავლას.
შედეგების ანალიზი ძალიან მნიშვნელოვანია მომავალი წლისთვის ეფექტური სასწავლო პროცესის დასაგეგმად.
ამ ეტაპზე მიმდინარეობს ნაშრომების გასწორება და შედეგების ანალიზი და კვლევა, რომელსაც სკოლის ადმინისტრაცია გააცნობს სასკოლო საზოგადოებას და მშობლებს განსახილველად.ყველა მოსწავლეს და მათ პედაგოგს ვუსურვებთ წარმატებებს!
ულამაზესი და საინტერესო ნამუშევრები გამოფინეს ბათუმის წმ. ანდრია პირველწოდებულის სახელობის სკოლის VIII-5 და VIII- 6 კლასის მოსწავლეებმა (ხელოვნების მასწავლებელი თამუნა წულაძე)- ცნობილი ფერწერული ტილოების მიხედვით შესრულებული 3 D სახის დიორამები ეპოქის დამახასიათებელი მხატვრული ნიშნებით.🏇🏇🧢 2022 წლის 3 ივნისს ბათუმის ანდრია პირველწოდებულის სახელობის სკოლის V-1 კლასის მოსწავლეები და მათი დამრიგებელი ალექსანდრე მელიქაძე ა(ა)იპ "ბათუმის საცხენოსნო კლუბს" ეწვივნენ. 🐎🐎🐎🐎
მოსწავლეებს მასტერკლასი ჩაუტარა ტრენერმა გიორგი ძინძიბაძემ საქართველოს მრავალგზის ჩემპიონი, ინგლისურ-ამერიკული ჯიშის ფაშატით, სახელად - "ავანტაჟი". ბავშვებმა გაიცნეს , ასევე, "ქსანი" (ახალთექური, იშვიათი ჯიშის ულაყი) და "გალათეა" (გერმანული ჯიშის ულაყი);
მოსწავლეებმა მოამზადეს პრეზენტაცია თემაზე: ისტორიაში ყველაზე ცნობილი ცხენების და მხედრებისშესახებ.აღნიშნულის წარდგენა მეტად უჩვეულო გარემოში - თავლაში მოხდა, რამაც ძალიან დიდი ხიბლი შემატა აღნიშნულ აქტივობას.
რა თქმა უნდა, ფოტოები ვერ აღწერს სრულად ემოციებს და საჯინიბოში არსებულ სიცოცხლით სავსე გარემოს.🎥03.06.2022. ჩვეთან, გიმნაზიაში! 📚📒💻📹😍🌞💚🎈
📚 2022 წლის 3 ივნისს ბათუმის წმ. ანდრია პირველწოდებულის სახელობის სკოლაში ჩატარდა მედიაწიგნიერების ტრენინგი. ტრენინგს ესწრებოდა გაეროს ბავშვთა ფონდის წარმომადგენელი, ღასან ხალილი. მან მოსწავლეებს მედიაწიგნიერების მნიშვნელობასა და პანდემიის დროს გავრცელებული ყალბი ინფორმაციის მავნე გავლენაზე ესაუბრა.
ტრენინგების სერიის "ნუ დაინფიცირდები დეზინფორმაციით" ფარგლებში სკოლის მოსწავლეებმა ინფორმაციის გადამოწმების ინსტრუმენტები და პირველწყაროს მოძიების ხერხები ისწავლეს და მიღებული ინფორმაციის კრიტიკულად გაანალიზებაზე იმუშავეს. ტრენინგების სერია და საინფორმაციოა კამპანია UNICEF Georgia-სთან პარტნიორობითა და USAID/Georgia-ის ფინანსური მხარდაჭერით მიმდინარეობს.მედიის განვითარების ფონდი, MDF
დღეს ბათუმის წმ. ანდრია პირველწოდებულის სახელობის სკოლაში მედიაწიგნიერების ტრენინგზე გაეროს ბავშვთა ფონდის წარმომადგენელი, ღასან ხალილი გვეწვია და მოსწავლეებს მედიაწიგნიერების მნიშვნელობასა და პანდემიის დროს გავრცელებული ყალბი ინფორმაციის მავნე გავლენაზე ესაუბრა.
ტრენინგების სერიის "ნუ დაინფიცირდები დეზინფორმაციით" ფარგლებში სკოლის მოსწავლეებმა ინფორმაციის გადამოწმების ინსტრუმენტები და პირველწყაროს მოძიების ხერხები ისწავლეს და მიღებული ინფორმაციის კრიტიკულად გაანალიზებაზე იმუშავეს. ტრენინგების სერია და საინფორმაციოა კამპანია UNICEF Georgia-სთან პარტნიორობითა და USAID/Georgia-ის ფინანსური მხარდაჭერით მიმდინარეობს.🎓📚📖 საამაყო გიმნაზიელი - მარი ვერულაშვილი! ❤️
იცნობდეთ! მარიმ 2011 წელს დაასრულა ბათუმის წმ. ანდრია პირველწოდებულის სახელობის სკოლა, შემდეგ კი ილიას სახელწიფო უნივერსიტეტის მეცნიერებათა და ხელოვნების ფაკულტეტი, საბაკალავრო პროგრამა - ჰუმანიტარული მეცნიერებები: ანგლისტიკა 2014-2016 წ.წ. - ილიას სახელწიფო უნივერსიტეტის მეცნიერებათა და ხელოვნების ფაკულტეტის მაგისტრატურა სპეციალობით- პოლიტიკის მეცნიერება და საერთაშორისო ურთიერთობები; 2015-2021 წ.წ. - საერთაშორისო რესპუბლიკური ინსტიტუტი - საქართველო (IRI Georgia), სპეც. პროგრამის ხელმძღვანელი;
2021-2022 წ.წ. - ჯორჯთაუნის უნივერსიტეტის (ვაშინგტონი, აშშ) პოლიტიკის მართვის მაგისტრატურა; 2022 წ. მაისიდან დღემდე მარი მუშაობს მსოფლიო ბანკში (ვაშინგტონი, აშშ). ჯორჯთაუნის უნივერსიტეტის კურსდამთავრებულთა შორის არიან აშშ ყოფილი პრეზიდენტი ბილ კლინტონი, ესპანეთის ამჟამინდელი მეფე ფელიპე IV, იორდანიის მეფე აბდულა II, CIA-ს ყოფილი დირექტორი ჯორჯ ტენეტი, „სითიგრუფის“ თავმჯდომარე და CEO მაიკლ პრინცი, კინოკომპანია Warner Brothers-ის თავმჯდომარე და CEO ენნ სერნოფი, მრავალი სხვა ცნობილი პოლიტიკური და საზოგადო მოღვაწე და ჩვენი მარი!!! 🎈🌞🎭1 ივნისი ბავშვთა დაცვის საერთაშორისო დღეა.
ბათუმის წმ. ანდრია პირველწოდებულის სახელობის სკოლის II-2 კლასის მოსწავლეები და ქართული ენის მასწავლებელი მაია იმნაძე ბათუმის თოჯინების თეატრში ესწრებოდნენ სპექტაკლის “ალადინის თასი” პრემიერას.პატარებმა სპექტაკლის შემდეგ დაათვალიერეს თეატრის საინტერესო და იდუმალი სამყარო და ისაუბრეს სპექტაკლის შესახებ.🌏💒🕌🏰 2022 წლის 1 ივნისს VIII-6 კლასის მოსწავლეებს ისტორიის გაკვეთილი თემაზე " რატომ მოხდა რეფორმაცია დასავლურ ეკლესიაში?" ჩაუტარდათ არაფორმალურ გარემოში, გაკვეთილს უძღვებოდა ისტორიის მასწავლებელი ნატალია სირაბიძე.
მოეწყო მინი-ექსკურსია ქალაქში არსებულ სხვადასხვა აღმსარებლობის პირთა სამლოცველოებში.მოსწავლეებმა დაათვალიერეს როგორც მართმადიდებლური, ასევე კათოლიკური, გრიგორიანული ეკლესიები, მეჩეთი და სინაგოგა, შეხვდნენ და ესაუბრნენ სხვადასხვა აღმსარებლობის სასულიერო პირებს.
სასიამოვნო და შემეცნებითი ექსკურსიის შემდეგ მოსწავლეები მიიჩნევენ, რომ რელიგიური შემწყნარებლობა ერთ-ერთი მნიშვნელოვანი საფუძველია დემოკრატიული ღირებულებებისა და ფასეულობების მქონე საზოგადოების ჩამოსაყალიბებლად.მერვეკლასელებს გაუჩნდათ სურვილი ნახატებითა და ესსეებით გაუზიარონ შთაბეჭდილება თავიანთ თანატოლებს.
🌏🌞💕1 ივნისი- ბავშვთა დაცვის საერთაშორისო დღე.
ბათუმის წმ. ანდრია პირველწოდებულის სახელობის სკოლის VII-1 კლასის მოსწავლეებმა სამოქალაქო განათლების მასწავლებლის ნატალია სირაბიძისდახმარებით შექმნეს
"საგანძურის სკივრები", მათში მოათავსეს საგნები, რომლებიც სიმბოლურად გამოხატავდნენ ბავშვთა უფლებებს.
"საგანძურის სკივრები", მათში მოათავსეს საგნები, რომლებიც სიმბოლურად გამოხატავდნენ ბავშვთა უფლებებს.სახალისო და საინტერესო სამუშაო პროცესის დასრულების შემდეგ ბავშვებმა კრეატიული და ორიგინალური იდეებით შედგენილი საგანძურის სკივრების გამოფენაც მოაწყვეს ჩვენი სკოლის დერეფანში!
2022 წლის 28 მაისს ბათუმის წმ. ანდრია პირველწოდებულის სახელობის სკოლის IX-3 კლასის მოსწავლეებმა, კლასის დამრიგებელმა ნანა ჭელიძემ და მოსწავლეთა მშობლებმა გასვლითი სასწავლო-შემეცნებითი ექსკურსია მოაწყვეს სამეგრელოში, დაათვალიერეს ნოქალაქევი, სტუმრობნენ ზუგდიდში დადიანების სასახლე.
ექსკურსია რეგულაციების სრული დაცვით განხორციელდა.
2022 წლის 31 მაისს ბათუმის წმ. ანდრია პირველწოდებულის სახელობის სკოლის VI-1 კლასის მოსწავლეებმა ბუნების მასწავლებელ ნანა ჭელიძესთან ერთად ყვავილები დარგეს და გაალამაზეს ბათუმის საკათედრო ტაძრის ეზო. პატარებმა ბევრი იხალისეს და სამომავლოდაც დაგეგმეს "მწვანე გაკვეთილები"
2022 წლის 24 მაისს ბათუმის წმ. ანდრია პირველწოდებულის სახელობის სკოლაში მოსწავლეთა აქტიური ჩართულობით ჩატარდა "ტვინების ბრძოლა" - დაძაბული და ხალისიანი ინტელექტუალური თამაში. მონაწილეობდნენ IV-XI კლასების მოსწავლეები.
ბათუმის წმ. ანდრია პირველწოდებულის სახელობის სკოლის IV-3 კლასის მოსწავლეებმა ისწავლეს კომიქსების ხატვა და საინტერესო და სახალისო ნამუშევრების გამოფენაც მოაწყვეს (მასწავლებელი ირინე სევოსტიანოვა). 
🌐🌏 ბათუმის ახალგაზრდული ფორუმის ორგანიზებით სასტუმრო "ჰილტონში" ჩატარდა მორიგი ღონისძიება პროექტის ,,თემის მობილიზაცია და თანამონაწილეობა" ფარგლებში, რომელსაც world vision საქართველო ახორციელებს საქართველოში გაეროს ლტოლვილთა უმაღლესი კომისრის წარმომადგენლობის UNHCR ფინანსური მხარდაჭერით.
ამ მნიშვნელოვან ფორუმში დელეგატის სტატუსით მონაწილებდნენ ბათუმის წმ. ანდრია პირველწოდებულის სახელობის სკოლის მოსწავლეები: მია მინაშვილი, ანა ძნელაძე, თამარ ჩანჩიბაძე, ოთო კახიძე, თორნიკე შალვაშვილი, ელისაბედ რომანაძე .წარმატებებს გისურვებთ ახალგაზრდებო!⚽️🥇ეს საოცარი ბიჭი ბათუმის წმ. ანდრია პირველწოდებულის სახელობის სკოლის VI- 5 კლასის მოსწავლე ნიკოლოზ ჯიჯავაძეა.
სულ ახლახან ის ლატვიაში გამართულ Kaunas Football Fest ტერნირზე საუკეთესო მეკარედ აღიარეს, ხოლო მისმა გუნდმა პირველი ადგილი მოიპოვა! გილოცავთ ნიკოლოზ და ვიცით, რომ მომავალშიც არაერთხელ გაგვახარებ!
წიგნიერის გამარჯვებულები დავაჯილდოვეთ და დავასაჩუქრეთ 😍😍😍
ანანო წიკლაური, თამარ ჩანჩიბაძე, ეთუნა ასანიშვილი - ძალიან გვიხარია, რომ გაგიცანით! წარმატებებს გისურვებთ!
⛪🎓🌞📚 ბოლო ზარი-2022!
ტრადიციულად პარაკლისით, დალოცვით, კეთილი სურვილებით, სიყვარულით, სიხარულით, მცირედი სევდით გავაცილეთ დღეს გიმნაზიელთა კიდევ ერთი, 23-ე გამოშვება ბათუმის წმ. ანდრია პირველწოდებულის სახელობის სკოლიდან!გილოცავთ! წარმატებებს გისურვებთ! 
გვიყვარხართ!
⛪🎓🌞📚გიმნაზიელთა კიდევ ერთი, 23-ე გამოშვება გავაცილეთ დღეს ბათუმის წმ. ანდრია პირველწოდებულის სახელობის სკოლიდან!
გილოცავთ!ვიცით, რომ გამორჩეული, გონიერი და ლამაზი, განათლებული ახალგაზრდები ხართ!მადლობელი ვართ იმ წრფელი სიტყვებისთვის, უდიდესი სითბოს, სიყვარულის, სიკეთისათვის, რაც დღეს გამოხატეთ გიმნაზიის მიმართ!ჩვენც ვცადეთ, რომ მცირედი სამახსოვრო საჩუქარი მოგვემზადებინა თქვენთვის!📚⛪ 17 მაისი პოეტ ფრიდონ ხალვაშის დაბადების დღეა.
ბატონი ფრიდონის საფლავთან ბათუმის საკათედრო ტაძრის ეზოში დღეს ტრადიციულად შეიკრიბნენ ოჯახის წევრები, მწერლები, საზოგადოებრიობის წარმომადგენლები. ბათუმის წმ. ანდრია პირველწოდებულის სახელობის სკოლის მეოთხე და მეხუთე კლასების მოსწავლეებმა ქართულის პედაგოგებთან ალექსანდრე მელიქაძესა და ლამარა გოგიბერიძესთან ერთად პატივი მიაგეს ბატონ ფრიდონ ხალვაშის ხსოვნას, წაიკითხეს ლექსები, ისაუბრეს პოეტის შემოქმედების შესახებ.🎓📚 2022 წლის 11 მაისს ბათუმის წმ. ანდრია პირველწოდებულის სახელობის სკოლაში XI-4 კლასში ჩატარდა ღია გაკვეთილი ისტორიაში თემაზე 🌐 "დიდი იმპერიების საგარეო-პოლიტიკიური კურსის გავლენა საქართველოს საშინაო პოლიტიკაზე" (მასწავლებელი პირიმზე რურუა).
მოსწავლეებმა ისტორიული ფაქტების მოშველიებით, ანალიზითა და არგუმენტირებული მსჯელობით შეძლეს აუდიტორიისთვის ეჩვენებინათ ეპოქის მნიშვნელოვანი ასპექტები.📚🎓 📜2022 წლის 4 მაისს აკაკი წერეთლის სახელობის ქალაქ ბათუმის საჯარო ბიბლიოთეკის რამაზ სურმანიძის სამკითხველო დარბაზში აკადემიკოს მარიკა ლორთქიფანიძის დაბადებიდან 100 წლისთავთან დაკავშირებით ჩატარდა ბათუმის ანდრია პირველწოდებულის სახელობის სკოლის XII-4 კლასის ღია გაკვეთილი ბიბლიოთეკაში საქართველოს ისტორიაში - ,,ჩვენი დიდგორი“ ( პედაგოგი პირიმზე რურუა).
გაკვეთილის დაწყებამდე მოსწავლეებმა დამსწრე საზოგადოებას წარუდგინეს დოკუმენტური ფილმი ქალბატონ მარიკა ლორთქიფანიძის შესახებ. ბიბლიოთეკაში სტუმრად ბრძანდებოდნენ და აკადემიკოსი მარიამ ლორთქიფანიძე მოიგონეს ისტორიკოსებმა, პროფესორებმა ნანა ხახუტაიშვილმა და ნადიმ ვარშანიძემ.📒🖊💻📚ბათუმის წმინდა ანდრია პირველწოდებულის სახელობის სკოლაში აქტიურად მუშაობს ინტელექტკლუბი, რომელსაც ხელმძღვანელობს პედაგოგი ზვიად ჩხენკელი.
2022 წლის 15 აპრილს გაიმართა ინტელექტუალური კლუბის ვიქტორინის რიგით მე-8 შეხვედრა. კლუბის შეხვედრებში მონაწილეობას იღებენ VIII-IX კლასის მოსწავლეები.
📚🎈🌞შეხვედა მწერალთან
მწერალთან შეხვედრით აღნიშნეს დედა ენის დღე ბათუმის ანდრია პირველწოდებულის სახელობის სკოლის II-1 კლასის მოსწავლეებმა.ქალბატონმა დალი თედორაძემ საკუთარი ზღაპრები წაუკითხა პატარებს.
ღონისძიებისორგანიზატორი იყო ქართული ენისა და ლიტერატურის მასწავლებელი თეონა ლორთქიფანიძე.
📚🎓💻ბათუმის წმ. ანდრია პირველწოდებულის სახელობის სკოლის მოსწავლეებმა კვლავ მნიშვნელოვან წარმატებებს მიაღწიეს კინგსის ოლიმპიადაზე.
სხვადასხვა საგანში მედლებით, დიპლომებით და სიგელებით დაჯილდოვდნენ: ილია ჩხატარაშვილი,თეკლა დონდოლაძე,ნიკოლოზ მესხი,ნუცა ნიკოლაიშვილი,ანდრო ხალვაში,რატი ვარშალომიძე,მარიამ ჩხატარაშვილი,ნიკოლოზ აცინბა,ნინია ჩავლეიშვილი,დალი დუმბაძე,ანასტასია დუმბაძე,გიორგი ჩავლეიშვილიგილოცავთ! გისურვებთ წარმატებებს!💻 2022 წლის 8 აპრილს ბათუმის წმ. ანდრია პირველწოდებულის სახელობის სკოლაში საინფორმაციო შეხვედრა ჩაატარეს კიბერ აკადემიის ( Cyber Academy - კიბერ აკადემია ) წარმომადგენლებმა დემიდ ფასეიშვილმა და კახი კახიძემ.
კიბერ აკადემიაში ახალგაზრდებს საშუალება აქვთ სკოლაში სწავლის პარალელურად დაეუფლონ მომავლის პროფესიებს.
თამარ ჩანჩიბაძე- ბათუმის წმ. ანდრია პირველწოდებულის სახელობის სკოლის მე-11 კლასის მოსწავლე, ფლექსის პროგრამის გამარჯვებული, მომავალი სასწავლო წლიდან სწავლას გააგრძელებს აშშ-ში! გილოცავთ, ჩვენო საამაყო თამარ! გისურვებთ წარმატებებს!🌐📣 გიმნაზიელები ვერთიანდებით გიმნაზიელისთვის!
2022 წლის 1 აპრილს ბათუმის წმ. ანდრია პირველწოდებულის სახელობის სკოლაში გაიმართა საქველმოქმედო კონცერტი, რომლითაც გამოვხატეთ ჩვენი თანადგომა ერთ-ერთ მოსწავლის მიმართ.ხალხმრავლობა დარბაზში საოცარი ერთსულოვნება სუფევდა, კონცერტის ყველა მონაწილე პასუხისმგებლობითა და პროფესიონალიზმით მოეკიდა საქმეს!გვჯერა, ჩვენი პატარა მეგობარი მალე სრულად გამოჯანმრთელდება!🏆🏐ფინალური მატჩი ფრენბურთში
ბათუმის წმ. ანდრია პირველწოდებულის სახელობის სკოლაში დასრულდა ფრენბურთის ტურნირი უფროსკლასელთა შორის.
ტურნირის ორგანიზატორია სპორტის მასწავლებელი მიხეილ სალუქვაძე.2022 წლის 29 მარტს გაიმართა ფინალური შეხვედრა IX-1 და X-2 კლასის მოსწავლეთა შორის.ფინალი მეცხრე კლასელთა გამარჯვებით დასრულდა (კაპიტანი ტატო მანველიძე)
გილოცავთ!გისურვებთ წარმატებებს!🌼🌎💫 დედამიწის საათი 2022!
დედამიწის საათი მსოფლიოში უდიდესი გარემოსდაცვითი აქციაა, რომლის დროსაც მილიონობით ადამიანი ერთი საათით ელექტროენერგიის გამოყენებაზე უარს აცხადებს და ამით პლანეტის მწვანე და უსაფრთხო მომავლის მხარდაჭერას გამოხატავს.
ამ დღეს აჭარის გარემოს დაცვისა და ბუნებრივი რესურსების სამმართველო სასტუმრო „შერატონთან“ ერთად უკვე წლებია ტრადიციულად ერთობლივი ღონისძიებით აღნიშნავს.სწორედ ასეთი ღონისძიება შედგა , 26 მარტს სასტუმროს ფოიეში, რომელსაც ბათუმის წმ. ანდრია პირველწოდულის სახელობის სკოლის მოსწავლეები და პედაგოგები (სესილი გათენაძე და ეკატერინე ბჟინავა) ესწრებოდნენ.
🌲🌳🌴ტყის საერთაშორისო დღის კვირეული!
23 მარტს ტყის საერთაშორისო დღისადმი მიძღვნილი კვირეულის ფარგლებში აჭარის გარემოს დაცვისა და ბუნებრივი რესურსების სამმართველოსა და სსიპ აჭარის სატყეო სააგენტოს ორგანიზებით მორიგი საგანმანათლებლო აქტივობა გაიმართა, რომელშიც მონაწილეობდნენ ბათუმის წმინდა ანდრია პირველწოდებულის სახელობის სკოლის მე-9 კლასის მოსწავლეები.
გამოცდილმა მეტყევეებმა მოზარდებს მცირე სემინარი ჩაუტარეს ტყეების განახლების მნიშვნელობის შესახებ და ბავშვებთან ერთად ნაძვის ნერგები დარგეს. აღნიშნული კვირეულის ფარგლებში თიკერის სატყეოში 300 ახალი ნერგი დაირგო.