22 მარტს ბათუმის წმ. ანდრია პირველწოდებულის სახელობის სკოლაში წყლის რესურსების დაცვის დღეს მიეძღვნა ინტეგრირებული გაკვეთილი VIII-3 კლასში-მასწავლებლები მარინე მამალაძე (ქართული ენა და ლიტერატურა) და ქეთევან ხარაბაძე (ბიოლოგია).
მოსწავლეებმა ისაუბრეს შესწავლილ ტექსტზე -ლ. გოთუას "ჩემი უსტარაული".
წარმოდგენილი იყო სამი მოხსენება:
-ეკოსისტემა, როგორც ბუნებრივი კომპლექსი;
-უსტარაულის გარშემო არსებული ეკოსისტემა;
-ეკოსისტემის ცვლილების შედეგები.
მოხსენებები წარმოადგინეს ნანა ჩხიკვაძემ, ნატია დავითაძემ და ლიზი ხალვაშმა.
მოსწავლეებმა ისაუბრეს ლიტერატურის გაკვეთილებზე შესწავლილი ტექსტების შესახებ საბუნებისმეტყველო ჭრილში და გამოიტანეს დასკვნები.
ბათუმის შოთა რუსთველის სახელმწიფო უნივერსიტეტის სტუდენტებმა და პროფესორ-მასწავლებლებმა ბათუმის შოთა რუსთაველის სახელმწიფო უნივერსიტეტი / B S U -ში სხვადასხვა მუნიციპალიტეტის სკოლების მოსწავლეებისთვის წყლის რესურსების დაცვის საერთაშორისო დღისადმი მიძღვნილი ღონისძიება გამართეს.
22 მარტს წყლის რესურსების დაცვის საერთაშორისო დღე გაერთიანებული ერების ორგანიზაციის გენერალური ასამბლეის გადაწყვეტილებით აღინიშნება. დღის დაწესებისა და აღნიშვნის მიზანია, მსოფლიო საზოგადოებას კიდევ ერთხელ შეახსენოს, როგორი მნიშვნელობა აქვს წყლის რესურსების მოფრთხილებასა და მის დაცვას.
ღონისძიება ბათუმის შოთა რუსთველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტისა და ,,ბათუმის წყლის" ორგანიზებით გაიმართა.
წყლის რესურსების დაცვის საერთაშორისო დღისადმი მიძღვნილ ღონისძიებაში მონაწილეობა მიიღეს ბათუმის წმ. ანდრია პირველწოდებულის სახელობის სკოლის მოსწავლეებმაც (ქიმიის მასწავლებელი ნონა აბაშიძე).
სტუდენტებმა მოსწავლეებს გააცნეს წყლის არსი, მნიშვნელობა, დაბინძურების ფაქტორები, გასუფთავების ხერხები და ქიმიის როლი ამ პროცესში.
ქიმიის საგანმანათლებლო პროგრამის სტუდენტებმა მოსწავლეებისათვის სახალისო ცდები ჩაატარეს და ვიქტორინა გამართეს წყლის თემაზე, რომელშიც გაიმარჯვა ჩვენი სკოლის გუნდმა!
გამარჯვებულ გუნდს გადაეცა სამახსოვრო საჩუქრები, ხოლო ყველა მონაწილეს - სერტიფიკატი.
ბათუმის შოთა რუსთველის სახელმწიფო უნივერსიტეტის სტუდენტებმა და პროფესორ-მასწავლებლებმა ბათუმის შოთა რუსთაველის სახელმწიფო უნივერსიტეტი / B S U -ში სხვადასხვა მუნიციპალიტეტის სკოლების მოსწავლეებისთვის წყლის რესურსების დაცვის საერთაშორისო დღისადმი მიძღვნილი ღონისძიება გამართეს.
22 მარტს წყლის რესურსების დაცვის საერთაშორისო დღე გაერთიანებული ერების ორგანიზაციის გენერალური ასამბლეის გადაწყვეტილებით აღინიშნება. დღის დაწესებისა და აღნიშვნის მიზანია, მსოფლიო საზოგადოებას კიდევ ერთხელ შეახსენოს, როგორი მნიშვნელობა აქვს წყლის რესურსების მოფრთხილებასა და მის დაცვას.
ღონისძიება ბათუმის შოთა რუსთველის სახელმწიფო უნივერსიტეტის საბუნებისმეტყველო მეცნიერებათა და ჯანდაცვის ფაკულტეტისა და ,,ბათუმის წყლის" ორგანიზებით გაიმართა.
წყლის რესურსების დაცვის საერთაშორისო დღისადმი მიძღვნილ ღონისძიებაში მონაწილეობა მიიღეს ბათუმის წმ. ანდრია პირველწოდებულის სახელობის სკოლის მოსწავლეებმაც (ქიმიის მასწავლებელი ნონა აბაშიძე).
სტუდენტებმა მოსწავლეებს გააცნეს წყლის არსი, მნიშვნელობა, დაბინძურების ფაქტორები, გასუფთავების ხერხები და ქიმიის როლი ამ პროცესში.
ქიმიის საგანმანათლებლო პროგრამის სტუდენტებმა მოსწავლეებისათვის სახალისო ცდები ჩაატარეს და ვიქტორინა გამართეს წყლის თემაზე, რომელშიც გაიმარჯვა ჩვენი სკოლის გუნდმა!
გამარჯვებულ გუნდს გადაეცა სამახსოვრო საჩუქრები, ხოლო ყველა მონაწილეს - სერტიფიკატი.
22 მარტს აღინიშნება წყლის საერთაშორისო დღე!
ქ. ბათუმის, წმინდა ანდრია პირველწოდებულის სახელობის სკოლის, VII-1, VII-2, VII-4 კლასების მოსწავლეებმა, გეოგრაფიის გაკვეთილებზე, მრავალფეროვანი აქტივობებით აღნიშნეს 22 მარტი, წყლის რესურსების დაცვის საერთაშორისო დღე!
მოსწავლეები გაეცნენ:
წყლის გაწმენდის ხერხებს, ჯგუფებში განიხილეს თითოეული ხერხის გამოყენებისთვის საჭირო მასალა, დადებითი და უარყოფითი მხარეები და შეაჯამეს ასევე ჯგუფური პრეზენტაციის წარდგენით.
ვირტუალური წყლის ცნებას, რა არის, როგორ გამოითვლება და როგორ შეგვიძლია გამოვიყენოთ ყოველდღიურ ცხოვრებაში.
ჯგუფებში მუშაობის გზით ააწყვეს ფაზლები, სადაც ერთმანეთს შეუსაბამეს პროდუქტები და მათი დამზადებისთვის საჭირო ვირტუალური წყლის ოდენობა ლიტრებში.
ინდივიდუალური და წყვილებში მუშაობის გზით ამოხსნეს "მწვანე ამოცანები" წყლის რესურსების მდგრადი მოხმარების პრინციპების თემაზე.
გეოგრაფიის მასწავლებელი: ანა ანუშიძე
22 მარტი წყლის დაცვის მსოფლიო დღეა!
ამ დღის აღნიშვნის მიზანი უსაფრთხო წყლის მნიშვნელობის ხაზგასმა და გლობალური წყლის კრიზისის შესახებ ცნობიერების ამაღლებაა.
ბათუმის წმ. ანდრია პირველოდებულის სახელობის სკოლაში ამ დღის აღსანიშნავად X-1 კლასის მოსწავლეებმა შემეცნებით-საგანმანათლებლო აქტივობა ჩაატარეს VIII კლასის მოსწავლეებისთვის თემაზე: "საქართველოს მინერალური წყლები" პროექტის "გიმნაზიელები გიმნაზიელთათვის" ფარგლებში. ბიოლოგიის მასწავლებელი ქეთევან ხარაბაძე.
22 მარტი წყლის დაცვის მსოფლიო დღეა!
ამ დღის აღნიშვნის მიზანი უსაფრთხო წყლის მნიშვნელობის ხაზგასმა და გლობალური წყლის კრიზისის შესახებ ცნობიერების ამაღლებაა. ეს არის დღე, რომელიც კიდევ ერთხელ გვახსენებს, რომ გლობალური წყლის კრიზისის დასაძლევად მოქმედება აუცილებელია.
2023 წლის 22 მარტი ბათუმის წმ. ანდრია პირველწოდებულის სახელობის სკოლაში წყლის დღედ გამოცხადდა.
ამ დღის აღსანიშნავად ჩატარდა VII-1 ინტეგრირებული გაკვეთილი თემაზე "წყალი სიცოცხლის საწყისი", რომელსაც უძღვებოდნენ ქიმიის მასწავლებელი ნონა აბაშიძე და ბიოლოგიის მასწავლებელი ნანა ჭელიძე.
ბათუმის წმინდა ანდრია პირველწოდებულის სახელობის სკოლის მე-11 კლასის მოსწავლე ნიკა ბარამიძე ფლექსის პროგრამის გამარჯვებულია!
მომავალ წელს ის სწავლას აშშ-ში გააგრძელებს!
გილოცავთ, ნიკა!
დიდ წარმატებას გისურვებთ!
ქ. ბათუმის, წმინდა ანდრია პირველწოდებულის სახელობის სკოლის VII-3 კლასის მოსწავლეებმა სამოქალაქო განათლების გაკვეთილზე "ჩვენ არ ვითვლით ქრომოსომებს" ჯგუფური მუშაობის ფორმატში, დაუნის სინდრომის თავისებურებების გაცნობის შემდეგ, იმსჯელეს თემაზე:
როგორ შევქმნათ ინკლუზიური საგანმანათლებლო სერვისები?
მოსწავლეებმა, მსჯელობის შედეგები წარმოადგინეს ჯგუფური პრეზენტაციის სახით.
სამოქალაქო განათლების მასწავლებელი: ანა ანუშიძე
2023 წლის 21 მარტს ბათუმის წმინდა ანდრია პირველწოდებულის სახელობის სკოლაში ქართული ენისა და ლიტერატურის წამყვანმა მასწავლებელმა შორენა ბოლქვაძემ სამუშაო შეხვედრა ჩაატარა კოლეგებისა და უფროსკლასელი მოსწავლეებისთვის თემაზე:
"შტრაუს-ჰოვის" თაობათა თეორია სასკოლო საგნების პერსპექტივიდან".
21 მარტი - დაუნის სინდრომის საერთაშორისო დღე!
"მეგობრები ქრომოსომებს არ ითვლიან!"
ბათუმის წმინდა ანდრია პირველწოდებულის სახელობის სკოლის მეცხრე კლასის მოსწავლეები ლუკა უჩანეიშვილი და გიორგი ცინცაძე 2023 წლის აგვისტოში გაემგზავრებიან თურქეთის სამეცნიერო ბანაკში.
ღონისძიებას წარმართავს ორგანიზაცია "საერთაშორისო მეგობრობა სამეცნიერო განათლების გზით".
აღსანიშნავია, რომ ახალგაზრდებმა სამეცნიერო ბანაკში გამგზავრება დიდი შრომის, სწავლის, მონდომების, რთულად გადასალახი გზის დაძლევის შედეგად დაიმსახურეს!
წარმატებებს ვუსურვებთ ლუკას და გიორგის!
2023 წლის 10 მარტს - რადიო "აჭარის" საავტორო გადაცემაში ,, ღია ეთერი'' - 13 საათსა და 10 წუთზე!
გადაცემაში მონაწილეობდნენ:
--ბათუმის წმინდა ანდრია პირველწოდებულის სახელობის სკოლის დირექტორის მოადგილე , წმ. იოანე ღთისმეტყველის სახელობის სასულიერო სემინარიის ასოცირებული პროფესორი , აკადემიური დოქტორი , ისტორიის პედაგოგი პირიმზე რურუა ...
- წმინდა ანდრია პირველწოდებულის სახელობის სკოლის მოსწავლეები -
ანა ძნელაძე,
ნიკა მჟავანაძე,
თემო შარაბიძე...
#თემა: საქართველოს ევროპული მომავალი - ჩვენ ვირჩევთ ევროპას! არა რუსეთს ! რუსეთი ოკუპანტია..
====
-როგორ ესმით მოზარდებს ევროპული ღირებულებები?
-რატომ მივილტვით ევროპისკენ ?
-რატომ არის მნიშვნელოვანი ევროინტეგრაციის პროცესი საქართველოსთვის?
-როგორ ისწავლება საქართველოს უახლესი ისტორიის ქრონიკები სკოლებში ?
- როგორ დაგვაშორა 70- წლიანმა საბჭოთა ოკუპაციამ ევროპულ ოჯახს ?
ჩანაწერი იხ. https://ajaratv.ge/video/13062...
#ბათუმისწმინდაანდრიაპირველწოდებულისსახელობისსკოლა
ბათუმის წმინდა ანდრია პირველწოდებულის სახელობის სკოლაში 2023 წლის 2 მარტს ჩატარდა "ტვინების ბრძოლის" შიდასასკოლო ჩემპიონატი IV-V და VI კლასის მოსწავლეთა შორის.
სკოლაში ჩემპიონატის ჩატარებას ხელმძღვანელობენ პედაგოგები ზვიად ჩხენკელი და კახი კახიძე.
საერთო ჩათვლაში საუკეთესო სამეული ასე გამოიყურება:
გუნდი "ხუთეული" (დამრიგებელი მაია ჭანუყვაძე),
გუნდი "CR7" (დამრიგებელი ნონა აბაშიძე),
გუნდი "საუკეთესო ხუთეული" (დამრიგებელი მანანა გოგიბერიძე).
წარმატებებს ვუსურვებთ პატარებს!
კულტურა და კულტურული მემკვიდრეობა; თანამედროვე გამოწვევები - შეხვედრა მეცნიერთან.
ბათუმის წმ. ანდრის პირველწოდებულის სახელობის სკოლაში უფროსკლასელთათვის შექმნილია კულტურის შემსწავლელთა კლუბი, რომელსაც ხელმძღვანელობს პირიმზე რურუა.
2023 წლის 2 მარტს კულტურის კლუბის წევრებისთვის ონლაინ ფორმატით შედგა შეხვედრა თსუ-ს პროფესორ ქეთევან ხუციშვილთან თემაზე "კულტურა და კულტურული მემკვიდრეობა; თანამედროვე გამოწვევები ".
ქალბატონი ქეთევანი არის თსუ პროფესორი, ეთნოლოგია-ანთროპოლოგიის ინსტიტუტის ხელმძღვანელი, თსუ სადისერტაციო საბჭოს თავმჯდომარე, თსუ აკადემიური საბჭოს წევრი, საქართველოს ანთროპოლოგთა ასოციაციის პრეზიდენტი, ისტორიის მეცნიერებათა დოქტორი, ეთნოლოგია-ანთროპოლოგიის სპეციალობით. არის ოთხი მონოგრაფისა და 80-ზე მეტი სამეცნიერო ნაშრომის ავტორი. მათ შორის აქვს საერთაშორისო პუბლიკაციები საქართველოს ანთროპოლოგიური კვლევის, ყოფისა და კულტურის ტრანსფორმაციული პროცესების, რელიგიური საკითხების და ეთნო-კულტურული იდენტობის შესახებ.
საუბარი უაღრესად საინტერესოდ წარიმართა; მოსწავლეებმა დასვეს შეკითხვები, გამოთქვეს აზრი ცალკეულ საკითხზე.
ქეთევან ხუციშვილის რანგის მეცნიერთან შეხვედრა ნამდვილად განსაკუთრებული მოვლენა იქნება ახალგაზრდების ცხოვრებაში.
დაიწყო ტრადიციული ინტელექტუალური თამაშების რა? სად? როდის? ბათუმის რეგულარული სასკოლო ჩემპიონატი.
პირველი თამაში გაიმართა 26 თებერვალს ბათუმის შოთა რუსთაველის სახელმწიფო უნივერსიტეტის შენობაში.
ჩემპიონატში ბათუმის წმ. ანდრია პირველწოდებულის სახელობის სკოლის 4 გუნდი იღებს მონაწილეობას!
დიდი ინტერესით ვადევნებთ თვალს ჩემპიონატის მსვლელობას და წარმატებებს ვუსურვებთ გიმნაზიელებს!
სლავური დღესასწაული"მასლენიცა" ყველიერში აღინიშნებოდა.
სიმბოლურად ძველი სლავები ასე ეგებებოდნენ დიდმარხვის დაწყებას და გაზაფხულის შემობრძანებას.
უჩვეულოდ ხალისიანი და ფერადი გაკვეთილი შემოგვთავაზეს ბათუმის წმ. ანდრია პირველწოდებულის სახელობის სკოლის VII-4 კლასის მოსწავლეებმა და რუსული ენის პედაგოგმა ევგენია ლომაძემ მშობელთა ჩართულობით.
ახალგაზრდებმა ისაუბრეს, ზოგადად, ხალხურ დღესასწაულებზე, ტრადიციებზე, ძველი სლავების ყოფა-ცხოვრებაზე და ყველიერის დღესასწაულ "მასლენიცაზე".
2023 წლის 25-26 თებერვალს ბათუმის წმინდა ანდრია პირველწოდებულის სახელობის სკოლის დირექტორის მოადგილე პირიმზე რურუა და უცხო ენების კათედრის ხელმძღვანელი ნატალია ფრუიძე სასწავლო-საგანმანათლებლო პროცესის თანამედროვე გამოწვევების გაცნობისა და სრულყოფის მიზნით მონაწილეობდნენ English Book Education- ის მიერ ორგანიზებულ საერთაშორისო სასწავლო კონფერენციის Annual Educational conference 2023 მუშაობაში, რომელიც გაიმართა კაჭრეთში, სასტუმრო "ამბასადორში".
კონფერენციის მუშაობის ფარგლებში შედგა რამდენიმე მნიშვნელოვანი შეხვედრა ცალკეული საკითხის სრულყოფა// გადაწყვეტის მიზნით.
2023-2024 სასწავლო წელს არა ერთი სასიკეთო სიახლე იგეგმება ბათუმის წმინდა ანდრია პირველწოდებულის სახელობის სკოლის სასწავლო პროცესში.
#ღიაეთერი რადიო აჭარა
#საქართველოსისტორიისსწავლებადამოზარდები
24 თებერვალს- გადაცემაში ,, ღია ეთერი''
13 საათსა და 10 წუთზე
#თემა: 102 წელი საბჭოთა ოკუპაციიდან , უინკერთა ხსოვნის დღე , საქართველოს ისტორიის ქრონიკები და დღევანდელობა სკოლებში ...
====
ბათუმის წმ. ანდრია პირველწოდებულის სახელობის სკოლა
1921 წლის თებერვლის ტრაგიკული მოვლენები, მტკივნეული ფურცლები ჩვენი ქვეყნის უახლესი ისტორიიდან ...
გაცოცხლებული წარსული აწმყოში , თებერვლის სისხლიანი ქრონიკები თანამედროვე გადასახედიდან -
როგორ ისწავლება და რა იციან მოზარდებმა ამ ისტორიული თარიღის შესახებ - საქართველოს ისტორიის ქრონიკები სკოლებში....
დეტალები გადაცემაში #ღიაეთერი
====
- ბათუმის წმ. ანდრია პირველწოდებულის სახელობის სკოლის ისტორიის პედაგოგი ზვიად ჩხენკელი ....
- წმ. ანდრია პირველწოდებულის სახელობის სკოლის მე-10 კლასის მოსწავლეები: ნილა ჯინჭარაძე , ანა დარჩიძე და კესარია გათენაძე ....
2023 წლის 23 თებერვალს ბათუმის წმ. ანდრია პირველწოდებულის სახელობის სკოლაში გეო ეკოლოგიის კლუბის წევრებს (კლუბის ხელმძღვანელი სოფიკო ხუხუნაიშვილი) შეხვდა ბათუმის შოთა რუსთაველის სახელობის უნივერსიტეტის ბიოლოგიის ლექტორი დოქტორი იზოლდა მაჭუტაძე.
შეხვედრის თემა იყო ბუნების მრავალფეროვნება და მისი სწორად დაცვის მნიშვნელობა.
თეოლოგია - მეცნიერება, ისტორია, განვითარების პერსპექტივა.
2023 წლის 22 თებერვალს ბათუმის წმ. ანდრია პირველწოდებულის სახელობის სკოლაში უფროსკლასელთათვის საუბარი თემაზე "თეოლოგია- მეცნიერება, ისტორია, განვითარების პერსპექტივა" ჩაატარა ჩვენი სკოლის ყოფილმა მოსწავლემ გიორგი გაბუნიამ.
შეხვედრა შედგა პროექტის "გიმნაზიელები გიმნაზიელთათვის" ფარგლებში.
ამ პროექტის მიზანს წარმოადგენს ის, რომ კურსდამთავრებულები საკუთარ ცოდნასა და გამოცდილებას უზიარებენ მოსწავლეებს.
გიორგი გაბუნიას ბევრი ჰქონდა სათქმელი.
მან სკოლის დასრულების შემდეგ სწავლა გააგრძელა საზღვაო აკადემიაში, გახდა მეზღვაური, რამდენიმე წელი ამ პროფესიით იმუშავა, შემდეგ კი სწავლა გადაწყვიტა თეოლოგიური მიმართულებით. გიორგიმ დაასრულა სასულიერო სემინარია და სასულიერო აკადემია. ის დღეს თეოლოგია.
შეხვედრა უაღრესად საინტერესოდ წარიმართა.
17.02.2023 წელი
აკადემიკოს შალვა ამონაშვილის სტუმრობა ბათუმის წმ. ანდრია პირველწოდებულის სახელობის სკოლაში!
შეხვედრა მოსწავლეებთან, პედაგოგებთან, სასულიერო პირებთან, მშობლებთან.
Humane Georgia-ჰუმანური საქართველო - უდიდესი პედაგოგის საჩუქარი საქართველოს!
გამორჩეულად შინაარსიანი, დასამახსოვრებელი დღე ჩვენს სკოლაში!
ბათუმის წმ. ანდრია პირველწოდებულის სახელობის სკოლის მოსწავლეთა ტოიოტას "საოცნებო ავტომობილის" ხატვის კონკურსზე წარდგენილი ნამუშევრები.
ბათუმის შოთა რუსთაველის სახელმწიფო უნივერსიტეტის ღია კარის დღეები აბიტურიენტებისთვის გრძელდება.
აბიტურიენტებისათვის ღია კარის დღე გაიმართა ბათუმის წმ. ანდრია პირველწოდებულის სახელობის სკოლაში, რომელსაც უძღვებოდნენ პროფესორი ჯემალ კარალიძე, ჰუმანიტარულ მეცნიერებათა ფაკულტეტის დეკანის მოადგილე შოთა ჯიჯეიშვილი და სტუდენტები.
შეხვედრების დასრულების შემდეგ, აბიტურიენტებს სამახსოვრო საჩუქრები გადაეცათ.
ბათუმის წმ. ანდრია პირველწოდებულის სახელობის სკოლაში დასრულდა ხანგრძლივი, დაძაბული და ემოციებით დატვირთული საკალათბურთო ჩემპიონატი!
ჩემპიონატის ორგანიზატორი იყო სპორტის პედაგოგი მიხეილ სალუქვაძე.
ფინალში ერთმანეთს შეხვდნენ IX-2 და IX-4 კლასები!
უკომპრომისო ბრძოლაში 2022-2023 სასწავლო წლის სკოლის ჩემპიონი გახდა IX-2 კლასის გუნდი!
გილოცავთ!
აკაკი წერეთლის სახელობის ქალაქ ბათუმის საჯარო ბიბლიოთეკის საბავშვო-ახალგაზრდობის განყოფილებაში 8 თებერვალს, 14:00 საათზე ჩატარდა ბათუმის წმინდა ანდრია პირველწოდებულის სახელობის სკოლის XII – 4 კლასის ღია გაკვეთილი საქართველოს ისტორიაში : ,,ათასი წელი მეფე დავითთან ერთად.“ პედაგოგი: პირიმზე რურუა.
ჭარბტენიანი ტერიტორიების დაცვის საერთაშორისო დღე.
2023 წლის 2 თებერვალს ჭარბტენიანი ტერიტორიების დაცის მსოფლიო საერთაშორისო დღის აღსანიშნავად ბათუმის წმ.ანდრია პირველწოდებულის სახელობის სკოლის მეათე კლასის მოსწავლებმა, გეო ეკოლოგიის კლუბის წევრებმა (მასწავლებელი სოფიკო ხუხუნაიშვილი) მეცხრე კლასელთათვის მოამზადეს და წარმოადგინეს თემა ამ დღის მნიშვნელობასა და საქართველოში არსებულ ჭაობებზე.
ახალგაზრდებმა ისაუბრეს ისპაანის ჭაობის თავისებურებებსა და მისი დაცვის მნიშვნელობაზე.
ღონისძიება შედგა სასკოლო პროექტის "გიმნაზიელები გიმნზაიელთათვის" ფარგლებში.
ქიმიის გაკვეთილი ბათუმის წმ. ანდრია პირველწოდებულის სახელობის სკოლის მე-9 კლასში. გაკვეთილის თემა: pHის განსაზღვრა ხსნარებში, მასწავლებელი ირინა ვიდულინა.
შინაარსიანი, საინტერესო და სასიამოვნო დღე გაატარეს VII- 2 კლასის მოსწავლეებმა ეთნოგრაფიულ მუზეუმში კლასის დამრიგებელ ნატალია კალანდაძესთან და ქართულის პედაგოგ რუსუდან თავხელიძესთან ერთად, ნანახსა და განცდილზე ისაუბრეს სკოლაში დაბრუნების შემდეგ.
ბათუმის არქეოლოგიურ მუზეუმში წმ. ანდრია პირველწოდებულის სახელობის მე-10 კლასის მოსწავლეებს ჩაუტარდათ საგანმანათლებლო პროგრამა. ,,კერამიკა- ტრადიციული რეწვა". #მოდიმუზემში
პირველკლასელთა საახალწლო ზეიმი.
სიმღერა, ლექსი, მოლოცვა, სიკეთე, სითბო და სიყვარული იღვრებოდა 2022 წლის 29 დეკემბერს ბათუმის წმ. ანდრია პირველწოდებულის სახელობის სკოლის სცენიდან პირველკლასელთა საახალწლო ზეიმზე (მასწავლებლები ანა კვიჭიძე და ეკა ბჟინავა).
"ზღაპარ იყო..."
2022 წლის 28 დეკემბერს საახალწლო განწყობით გაჯერებული ზღაპრული სანახაობა წარმოადგინეს ბათუმის წმინდა ანდრია პირველწოდებულის სახელობის სკოლის III-2 კლასის პატარებმა ქართული ენის მასწავლებლის მაია იმნაძის დახმარებით.
საღვრთო სჯულის ღია გაკვეთილი.
2022 წლის 27 დეკემბერს საღვრთო სჯულის მასწავლებელმა მარინა ტალახაძემ XI-XII კლასებში ჩაატარა ღია გაკვეთილი თემაზე: კლიპის "ერთ ცის ქვეშ" (Dimash - The story of one sky) საღვთისმეტყველო ანალიზი.
მინი-სპექტაკლი რუსული ენის გაკვეთილზე.
2022 წლის 24 დეკემბერს ბათუმის წმინდა ანდრია პირველწოდებულის სახელობის სკოლის VI - 4 კლასის მოსწავლეებმა (მასწავლებელი ევგენია ლომაძე) რუსული ენის გაკვეთილზე დადგეს მინი-სპექტაკლი რუსული ხალხური ზღაპარი "ტერემოკი".
აქტივობა მიზნად ისახავდა, როგორც შემოქმედებითი, ასევე, რუსულ ენაში ზეპირმეტყველების, დიალოგისა და მონოლოგის უნარების განვითარებას, მოტივაციის ამაღლებას.
პატარა "ციფრული სამყაროს გენიოსები".
2022 წლის 23 დეკემბერს ბათუმის წმ. ანდრია პირველწოდებულის სახელობის სკოლის VI-5 კლასში ღია გაკვეთილი ჩაატარა ისტ-ის ახალგაზრდა მასწავლებელმა კახი კახიძემ.
გაკვეთილის თემა: ციფრული სამყაროს გენიოსები და კომპიუტერული სამყარო.
გაკვეთილი წარიმართა მოსწავლეთა აქტიური ჩართულობითა და იმპროვიზაციით.
ახალგაზრდებმა გაითავისეს ციფრული და მათემატიკური სამყაროს უდიდესი მეცნიერების-გენიოსების როლები, შეძლეს სხვადასხვა დროსა და სამყაროში ორიენტირება.
მოსწავლეთა გააზრებულმა პასუხებმა კარგად წარმოაჩინა მასწავლებლის დიდი შრომა.
გაკვეთილი მადლიერების შესახებ.
2022 წლის 23 დეკემბერს ბათუმის წმინდა ანდრია პირველწდებულის სახელობის სკოლის VI-3 კლასში ქართული ენისა და ლიტერატურის მასწავლებელმა თამარ ლომთაძემ ჩაატარა გაკვეთილი თემაზე „მადლიერებაზე დაფიქრება“.
მოსწავლეებმა სასწავლო წლის დასაწყისში შექმნეს მადლიერების ყუთი.
ყოველ პარასკევს ფერად ფურცლებზე წერდნენ, ვისი მადლიერნი იყვნენ განვლილი კვირის განმავლობაში.
დღეს მოსწავლეებმა ერთმანეთს გაუზიარეს თავიანთი ემოციები, გრძნობები, გაუჭირდათ თუ არა იმ ადამიანის ვამორჩევა, ვის მიმართაც იგრძნეს მადლიერება. იფიქრეს, იმსჯელეს და დაასკვნეს, რომ მადლიერება ავსებს ადამიანს, აკეთილშობილებს, აქარწყლებს ბოროტებას, უმადურება კი ბადებს ბოროტებას.
გიმნაზიელები სტუმრად ბსუ-ში.
2022 წლის 22 დეკემბერს ბათუმის წმ. ანდრია პირველწოდებულის სახელობის სკოლის მე-10 კლასის მოსწავლეები, რომლებიც ეროვნული სასწავლო გეგმის ფარგლებში სწავლობენ მეწარმეობის საფუძვლებს ბათუმის შოთა რუსთაველის სახელმწიფო უნივერსიტეტის ბათუმის შოთა რუსთაველის სახელმწიფო უნივერსიტეტი / B S U ეკონომიკისა და ბიზნესის ფაკულტეტს სტუმრობდნენ.
ქართულ ლიტერატურის ღია გაკვეთილი
2022 წლის 22 დეკემბერს ბათუმის წმინდა ანდრია პირველწოდებულის სახელობის სკოლაში ქართული ენისა და ლიტერატურის მასწავლებელმა მარინა ტალახაძემ ჩაატარა XII კლასში ღია გაკვეთილი თემაზე "ემპირიული რეალობა და მხატვრული სინამდვილე".
ქალები საქართველოდან.
2022 წლის 19-26 დეკემბერს ბათუმის წმ. ანდრია პირველწდებულის სახელობის სკოლაში მიმდინარეობდა საზოგადოებრივ მეცნიერებათა კათედრის მიერ ორგანიზებული სასწავლო-საგანმანათლებლო კვირეული "ქალები საქართველოდან". #ქალებისაქართველოდან
კვირეულის ფარგლებში ჩატარდა არაერთი საინტერესო ღონისძიება:
XI-XII კლასების მოსწავლეებისთვის ქართული ენისა და ლიტერატურის მასწავლებელმა მარინა ტალახაძემ წაიკითხა უაღრესად საინტერესო ლექცია თემაზე "ქართული ლიტერატურის ღირსსახსოვარი ქალები".
X კლასების მოსწავლეებისთვის სამოქალაქო განათლებისა და ისტორიის მასწავლებლებმა ზვიად ჩხენკელმა და პირიმზე რურუამ ჩაატარეს გაკვეთილი თემაზე : "მეწარმე ქალები მე-19 საუკუნის გადმოსახედიდან მაგდანასა და ოთარაანთ ქვრივის მაგალითზე".
სამოქალაქო განათლების მასწავლებლებმა ხათუნა ბერაძემ და ნატალია სირაბიძემ დაგეგმეს დისკუსია თემაზე "ქალი ტრადიციულ საზოგადოებაში". ამ მიზნით მათ IX-XI კლასების მოსწავლეებისთვის მოაწყვეს ყოფილი გიმნაზიელის თამუნა კოხრეიძის დოკუმენტური ფილმის "დედოფლობანა" ჩვენება და განხილვა.
მე-12 კლასების მოსწავლეებისთვის ჩატარდა ინტერაქტიული ლექცია "1918-1921 წლების პარლამენტარი ქალები საქართველოდან". ლექციას უძღვებოდნენ სამოქალაქო განათლების და ისტორიის პედაგოგები ისტორიის აკადემიური დოქტორი ინგა მართალიშვილი და ქეთევან გოცირიძე.
IX-XII კლასების მოსწავლეებისთვის ჩატარდა ინტერაქტიული ლექცია "აჭარა ჩადრიდან და ჩადრის გარეშე - მე-20 საუკუნის პირველი ნახევრის სოციალური პროცესები აჭარაში". ლექციას უძღვებოდა სამოქალაქო განათლებისა და ისტორიის პედაგოგი , ისტორიის აკადემიური დოქტორი ლევან სამსონია.
X-XI კლასების მოსწავლეებისთვის უაღრესად საინტერესო ლექცია თემაზე "ქალი მსოფლიო პოლიტიკაში" ონლაინ ფორმატით ჩაატარა ყოფილმა გიმნაზიელმა, ამჟამად თბილისის საკრებულოს წევრმა ნინი წულაძემ.
გეოგრაფიის მასწავლებელმა სოფიკო ხუხუნაიშვილმა IX კლასების მოსწავლეებისთვის ჩაატარა შემეცნებით-საგანმანათლებლო საუბარი თემაზე "მოგზაური ქალები".
გეოგრაფიისა და მოქალაქეობის მასწავლებელმა საერთაშორისო ურთიერთობების აკადემიურმა დოქტორმა ანა ანუშიძემ X კლასების მოსწავლეებისთვის ჩაატარა გაკვეთილი თემაზე "ქართველი მეცნიერი ქალები".
ქართული ენისა და ლიტერატურის მასწავლებელმა მზია ჯანელიძემ მოსწავლეებისთვის და პედაგოგებისთვის ჩაატარა საუბარი თემაზე "ლანა ღოღობერიძის ქალები".
მთის საერთაშორისო დღე.
11 დეკემბერს აღინიშნება მთის საერთაშორისო დღე.
ამ თარიღთან დაკავშირებით ბათუმის წმ. ანდრია პირველწოდებულის სახელობის სკოლის გეო ეკოლოგიის კლუბის წევრებმა კლუბის ხელმძღვანელ სოფიკო ხუხუნაიშვილთან და მოქალაქეობის მასწავლებელ ზვიად ჩხენკელთან ერთად მოინახულეს ხელვაჩაურის მუნიციპალიტეტის მთის ფერდობებზე განფენილი სოფლები, მოსწავლეებმა, ასევე, დალაშქრეს გვარას ციხე და მირვეთის ჩანჩქერი.
ახალგაზრდები შეხვდნენ ადგილობრივ მოსახლეობას, გაეცნენ მთებში არსებულ პრობლემებს , სამომავლოდ დაგეგმეს კვლევის ჩატარება აჭარის მთის სოფლების მდგომარეობის შესწავლის მიზნით.
გიმნაზიელთა უჩვეულო სარკინიგზო თავგადასავალი ამბავი N 1. საქართველოს რკინიგზის საქართველოს რკინიგზა / Georgian Railway 150 წლის საიუბილეო თარიღთან დაკავშირებით, ბათუმის წმ. ანდრია პირველწოდებულის სახელობის სკოლაში 2022-2023 სასწავლო წელს დაიგეგმა სასკოლო-საგანმანათლებლო პროექტი.
პროექტის "საქართველოს რკინიგზა-150" ფარგლებში მე-10 კლასის მოსწავლეებმა 2022 წლის 18 დეკემბერს ისტორიის მასწავლებელ ზვიად ჩხენკელთან ერთად საგარეუბნო მატარებლით იმოგზაურეს ქუთაისის მიმართულებით.
ეს შემეცნებითი ექსკურსია ერთგვარი უჩვეული თავგასავალიც იყო მოსწავლეებისთვის.
ახალგაზრდებმა მატარებელშივე მოაწყვეს კოსტიუმირებული პერფორმანსი, გაითამაშეს წარმოდგენა "მოგზაურობა აღმოსავლეთის ექსპრესით".
ქუთაისში მოსწავლეებმა დაათვალიერეს ქალაქის ღირსშესანიშნაობები.
მასწავლებლების დავალებით ბავშვებმა გადაიღეს მოგზაურობის ამსახველი ფოტოები, ვიდეოები, დააგროვეს მასალები გამოფენის მოსაწყობად, შთაბეჭდილებები გადმოსცეს დღიურების სახით.
3 დეკემბერს, შეზღუდული შესაძლებლობის მქონე პირთა საერთაშორისო დღეა. ამ თარიღთან დაკავშირებით ბათუმის წმ. ანდრია პირველწოდებულის სახელობის სკოლის ინკლუზიური განათლების კოორდინატორის ხათუნა ვარდიძის ორგანიზებითა და დაწყებითი საფეხურის პედაგოგების ჩართულობით დაიგეგმა საგანმანათლებლო კვირეული.
მესამე-მეოთხე კლასების მოსწავლეებმა ნახეს თემატური ვიდეორგოლები, გასულ წლებში სკოლაში ჩატარებული აქტივობების ამსახველი მასალა;
პატარებმა ისაუბრეს ნანახის შესახებ, გამოხატეს თავიანთი აზრი, დაწერეს მცირე ფორმატის ესსები, შეასრულეს ნახატები.
მე-12 კლასის მოსწავლეებმა დამრიგებელ ლოლა ჯაფარიძესთან ერთად მცირე საახალწლო საჩუქრები გადასცეს ჩვენი სკოლის შშმ და სსსმ მოსწავლეებს.
2022 წლის 14 დეკემბერს ბათუმის წმ. ანდრია პირველოდებულის სახელობის სკოლის მე-9 კლასის მოსწავლეები დამრიგებელ ზვიად ჩხენკელთან და გეოგრაფიის მასწავლებელ სოფო ხუხუნაიშვილთან ერთად იმყოფებოდნენ ბათუმის შოთა რუსთაველის სახელმწიფო უნივერსიტეტში გამოფენაზე სახელწოდებით- „საქართველო XVI-XVIII საუკუნეების ნიდერლანდურ რუკებსა და გრავიურებზე“.
გამოფენა ნიდერლანდების სამეფოსა და საქართველოს შორის ორმხრივი დიპლომატიური ურთიერთობის დამყარების 30 წლისთავს ეძღვნება და საქართველოში ნიდერლანდების სამეფოს საელჩოს მხარდაჭერით, ღია სივრცე კავკასიის (COS) მიერ იმართება.
2022 წლის 10 დეკემბერი! ინდივიდუალურ და საოჯახო შემსრულებელთა ფოლკლორულ-ეთნოგრაფიული VI ფესტივალი "ტრადიციების კვალდაკვალ".
ბათუმის წმ. ანდრია პირველწოდებულის სახელობის სკოლის ტრიოს ( დედა-შვილი ელენე ურუშაძე , დედამისი, ჩვენი მუსიკის პედაგოგი მაია ჭანუყვაძე და ლოლა ჯაფარიძე) და გოგონათა ანსამბლის წარმატებული გამოსვლა (ხელმძღვანელი ლოლა ჯაფარიძე).
,,კინო სკოლაში’’
ბათუმის წმინდა ანდრია პირველწოდებულის სახელობის სკოლა ჩართულია საქართველოს კინემატოგრაფიის ცენტრის პროექტში -" კინო სკოლაში ’’.
პროექტის ფარგლებში მოსწავლეები ონლაინპლატფორმის გამოყენებით, კინომცოდნესა და სკოლის პედაგოგთან ერთად, სწავლობენ კინოს ისტორიას სპეციალურად შექმნილი ვიდეო გაკვეთილების, საარქივო ფოტო-ვიდეო მასალისა და სავარჯიშოების გამოყენებით.
პროექტი , ასევე, ითვალისწინებს მოსწავლეების შეხვედრას კინომცოდნესთან და ფილმების ჩვენებას სკოლაში.
2022 წლის 6 დეკემბერს სკოლას ეწვია კინომცოდნე სოფიკო თოქმაჯიშვილი.
IX-X კლასის მოსწავლეებმა პედაგოგებთან (ინგა მართალიშვილი და ზვიად ჩხენკელი) ერთად ნახეს წინასწარ შერჩეული ფილმი ,,400 დარტყმა’’ .
ფილმის გმირი 13 წლის ანტუანი ოჯახური და სოციალური უსამართლობის წნეხის ქვეშაა; უთანხმოება აქვს სკოლის მასწავლებელთან. ის მამინაცვალს საბეჭდ მანქანას პარავს და ოჯახის სურვილით ძნელად აღსაზრდელთა დაწესებულებაში ხვდება.
ფილმის დასრულების შემდეგ გაიმართა ძალიან საინტერსო დისკუსია წარმოდგენილი ფილმის ირგვლივ.
პროექტი მომავალშიც გაგრძელდება.
TOEFL ტესტის ოლიმპიადა ინგლისურ ენაში.
2022 წლის 5 დეკემბერს ბათუმის წმინდა ანდრია პირველწოდებულის სახელობის სკოლაში კომპანია English Book Education-მა ჩაატარა TOEFL ტესტის ოლიმპიადა ინგლისურ ენაში (პირველი ეტაპი).
TOEFL ტესტის ოლიმპიადა განკუთვნილია სასკოლო ასაკის მოსწავლეებისთვის, მე-3 კლასიდან მე-12 კლასის ჩათვლით და ამოწმებს მათი ინგლისური ენის ცოდნის დონეს საყოველთაოდ ცნობილი საერთაშორისო გამოცდის TOEFL ტესტის საშუალებით.
TOEFL ტესტის ოლიმპიადა შანსია მოსწავლეებისთვის, რომ ისინი სასკოლო ასაკშივე მიეჩვიონ საერთაშორისო საგამოცდო ფორმატით ტესტის წერას, ინსტრუქციების სწორად გაგებასა და პრობლემის დამოუკიდებლად გადაწყვეტას. ოლიმპიადა საშუალებას იძლევა მოსწავლეებმა არამხოლოდ შეამოწმონ თავიანთი ინგლისური ენის ცოდნის დონე, არამედ გაიღრმავონ კიდეც ცოდნა ამ კუთხით.
ოლიმპიადაში მონაწილე თითოეულ მოსწავლეს გადაეცემა სერტიფიკატი კომპანია English Book Education-სგან.
გამარჯვებული მოსწავლეები გამოვლინდება თითოეული საფეხურიდან (Primary-1; Junior-1; ITP-1) და ისინი მიიღებენ TOEFL ტესტის საერთაშორისო სერტიფიკატს, რომელსაც სხვადასხვა მიზნით (გაცვლითი პროგრამები, საზაფხულო სკოლები, დონის შემოწმება, პროგრესის მონიტორინგი და ა.შ.) გამოიყენებენ.
რადგან TOEFL ტესტი არის ETS Global-ის პროდუქტი, ყველა ნამუშევარი იგზავნება საზღვარგარეთ და 10 დღეში მოსწავლეები იღებენ თავიან შედეგებს.
რაც ყველაზე მნიშვნელოვანია, ეს არის ტესტი, რომელიც მსოფლიოში აღიარებულია, როგორც ხარისხის განმსაზღვრელი, ყველაზე სანდო და საიმედო შეფასების სისტემით.
წარმატებებს ვუსურვებთ ჩვენს მოსწავლეებს!
2022 წლის 1 დეკემბერს ფილოლოგიის მეცნიერებათა დოქტორი გია მურღულია ბათუმის შოთა რუსთაველის სახელმწიფო უნივერსიტეტის სტუდენტებს შეხვდა და საჯარო ლექცია წაიკითხა თემაზე: ,,ადამიანი - ემპათია - ლიტერატურა“.
ბატონმა გიამ სტუდენტებს საკუთარი წიგნები - ,,საუბრები უფროსკლასელებთან” და ,,ცხრისნახევარზე” წარუდგინა .
შეხვედრას ესწრებოდნენ ბათუმის წმინდა ანდრია პირველწოდებულის სახელობის სკოლის პედაგოგები და მოსწავლეები.
2022 წლის 3 დეკემბერს ბათუმის წმ. ანდრია პირველწოდებულის სახელობის სკოლაში მობრძანდნენ ივანე ჯავახიშვილის თბილისის სახელმწიფო უნივერსიტეტის კულტურის კვლევების ინსტიტუტის თსუ კულტურის კვლევების ინსტიტუტი/ Institute of Cultural Studies, TSU მკვლევარები პროფესორები ნინო ჩიქოვანი, ქეთევან კაკიტელაშვილი და ვანო წერეთელი.
მათ შეხვდნენ სკოლის ქართული კულტურის შემსწავლელთა კლუბის და მკითხველთა კლუბის მოსწავლეები და პედაგოგები მარინე ტალახაძე და პირიმზე რურუა.
შეხვედრა უაღრესად ნაყოფიერად წარიმართა.
სტუმრებმა სკოლას უსახსოვრეს კულტურის კვლევევათა ინსტიტუტის გამოცემები, საინტერესოდ ისაუბრეს კულტურის კვლევების აქტუალურ საკითხებსა და სამომავლო პერსპექტივებზე, ახალგაზრდების ჩართულობის მნიშვნელობაზე; მათ, ასევე, გამოხატეს ინტერესი ბათუმის წმ. ანდრია პირველწოდებულის სახელობის სკოლის საგანმანათლებლო და საკლუბო მუშაობისადმი.
შეხვედრა ძალიან მნიშვნელოვანი და დასამახსოვრებელი იყო მოსწავლეებისთვის.
დავსახეთ სამომავლო გეგმები.
ღია გაკვეთილი ისტორიაში
2022 წლის 2 დეკემბერს ბათუმის წმინდა ანდრია პირველწოდებულის სახელობის სკოლაში ისტორიის მასწავლებელმა პირიმზე რურუამ XII-4 კლასში ღია გაკვეთილი ჩაატარა თემაზე "ვენის კონგრესი და მსოფლიოს ახალი პოლიტიკური წესრიგი".
ექსკურსია დენდროლოგიურ პარკში
2022 წლის 29 ნოემბერს ბათუმის წმინდა ანდრია პირველწოდებულის სახელობის სკოლის VII - 4 კლასის მოსწავლეებს რუსული ენის მასწავლებელმა ევგენია ლომაძემ ჩაუტარა გასვლითი გაკვეთილი -ექსკურსია " ოქროსფერი შემოდგომა".
მოსწავლეებმა მოინახულეს შეკვეთილის დენდროლოგიური პარკი.
პარკში ვიზიტის მიზანი იყო - თეორიული ცოდნის გაღრმავება-განმტკიცება, კომუნიკაციური კომპეტენციის ფორმირება, შემოქმედებითობის და ფანტაზიის განვითარება.
ჭადრაკის გაკვეთილი ბათუმის წმინდა ანდრია პირველწოდებულის სახელობის სკოლის პირველ კლასში და ყველასთვის საყვარელი ღვაწლმოსილი სპორტის მასწავლებელი კარლო ტრაპაიძე.
წარმატებებს ვუსურვებთ ჩვენს პატარა მოჭადრაკეებს!
ტვინების ბრძოლის 2022 წლის გაზაფხულის სეზონის რეგიონულ პირველობაზე წარმატებული ასპარეზობისთვის სერტიფიკატებით დაჯილდოვდნენ ჩვენი სკოლის მოსწავლეები:
მარიამ ებრალიძე,
თამარ ტაკიძე,
ელენე გოგიჩაიშვილი,
ლუკა დოლიძე,
ნიკა ჩამბა ,
ნიკოლოზ ფუტკარაძე,
დემეტრე გოგიაშვილი,
ნარი თურმანიძე,
მიქაელ ალელიშვილი,
გოგა გაგუა
მასწავლებლები- ლამარა გოგიბერიძე და ხატია ხალვაში!
გილოცავთ!
გეო ეკოლოგიის კლუბის წევრების პრაქტიკა ისპაანის ჭაობში.
2022 წლის 22 ნოემბერს ბათუმის წმინდა ანდრია პირველწოდებულის სახელობის სკოლის გეო ეკოლოგიის კლუბის წევრები და კლუბის ხელმძღვანელი, გეოგრაფიის მასწავლებელი სოფიკო ხუხუნაიშვილი საგანმანათლებლო-შემეცნებითი მიზნით დაუკავშირდნენ კოლხეთის დაცული ტერიტორიების ადმინისტაციას და მოინახულეს ისპაანის ჭაობი.
მოსწავლეებს ცენტრის თანამშრომელმა სოფო თხილაიშვილმა გააცნო ჭაობების მნიშვნელობა; შემდეგ ნორჩი ეკოლოგები გავიდნენ აღკვეთილისა და ნაკრძალის ტერიტორიაზე, სადაც ნახეს მსოფლიო მნიშვნელობის თეთრი ხავსი.
გეო ეკოლოგების ვიზიტის შედეგები აისახა მოსწავლეთა საკონფერენციო ნაშრომში.
ქ. ბათუმის, წმინდა ანდრია პირველწოდებულის სახელობის სკოლის, მე - 7 ბ კლასის მოსწავლეებმა, შექმნეს მრავალჯერადად გამოყენებადი სასწავლო რესურსი გეოგრაფიაში.
მე - 7 ბ კლასის მოსწავლეებმა იმუშავეს მაღალი პასუხისმგებლობით რის შედეგადაც შემაჯამებელი გაკვეთილების თითოეულ ეტაპზე აჩვენეს წარმატებული შედეგი. შემაჯამებელი გაკვეთილების ფარგლებში მოსწავლეებმა:
(ა) გაიმეორეს შესწავლილი და დამუშავებული მასალა გეოგრაფიაში.
(ბ) თითოეული თემის დამუშავების შედეგად მოიფიქრეს „საკვანძო კითხვები“.
(გ) „საკვანძო კითხვების“ გამოყენებით მოამზადეს სხვადასხვა დიზაინის კროსვორდები.
(დ) მომზადებული კროსვერდები წარადგინეს კლასის წინაშე და მიიღეს რეფლექსია, როგოც მასწავლებლისგან ისე თანაკლასელებისგან.
(ე) მოსწალეებს დაურიგდათ ერთმანეთის და პარალელური კლასელების მიერ მომზადებული კროსვორდები ორი მიზნით (1) შეევსოთ კროსორდები და (2) შეეფასებინათ კროსორდის შინაარსობრივი და ვიზუალური მხარე.
(ვ) მოსწავლეებმა და მასწავლებელმა წარმოადგინეს ზემოთ ჩამოთვლილი და განხორციელებული აქტივობების შეფასება რის შემდეგაც მე - 7 კლასის მოსწავლეებმა, მიღებული გამოცდილების გაზიარების, გააზრების და დასკვნების გამოტანის შედეგად, ერთობლივად დაგეგმეს საერთო საკლასო კროსვორდის, როგორც მრავალჯერადად გამოსაყენებელი რესურსის, შექმნა.
(ზ) მოსწალეებმა წარადგინეს საერთო საკლასო კროსვორდის პრეზენტაცია საკუთარ და პარალელურ კლასებში.
წინსვლას და წარმატებებს ვუსურვებთ ქ. ბათუმის წმინდა ანდრია პირველწოდებულის სახელობის სკოლას და განსაკუთრებით ნიჭიერ და შრომისმოყვარე მე - 7 კლასის მოსწავლეებს.
გეო ეკოლოგიის კლუბის წევრები სტუმრად ბსუ-შიგეო ეკოლოგიის კლუბის წევრები სტუმრად ბსუ-ში
მწერლის, პოეტისა და პუბლიცისტის ილია ჭავჭავაძის დაბადებიდან 185 წელი
ჩემპიონი ძმები
მოსწავლეთა სასწავლო შემოქმედებითი კონფერენცია
ეთნოგრაფიული მუზეუმი "ბორჯღალი".
მკითხველთა კლუბი
სასკოლო საჭადრაკო ფესტივალი
მოსწავლეთა საველე სასწავლო ტური სარფსა და გონიოში
ხელოვნების გაკვეთილი მუზეუმში
წარმატებულ გიმნაზიელთა დაჯილდოება
ლეგოზე დაფუძნებული დიზაინერული აზროვნება
ჭადრაკის ტურნირი
ალექსანდრე ჯელია - წარმატებული გიმნაზიელი!
„ვაგროვებთ მაკულატურას ტყის გადასარჩენად“
მეცნიერი-პედაგოგები
შეხვედრა საბავშვო მწერალთან
წითელი ჯვრის ტრენინგი
ზღვის სანაპირო ზოლის დასუთავების აქცია შავი ზღვის დაცვის დღესთან დაკავშირებით
შავი ზღვის დაცვის დღე
"წარმოსახვითი მოგზაურობა" და "აჭარული ნაჭრელი"
პროექტული სწავლება სამოქალაქო განათლებაში
ჰუმანური პედაგოგიკა
შოთა რუსთაველის საქართველოს ეროვნული სამეცნიერო ფონდი
გილოცავთ, ნონა მასწავლებელო და გისურვებთ შემოქმედებით წარმატებებს!
NASA Space Apps Challenge 2022
ტვინების ბრძოლა
22 ოქტომბერი - ხის დარგვის საერთაშორისო დღე!
შეხვედრა თავისუფალი და აგრარულ უნივერსიტეტის წარმომადგენელთან
ნაპოლეონი - ეპოქის შემქმნელი და ეპოქის მსხვერპლი
ინგლისური ენის სწავლება პედაგოგებისთვის
რობერტ კაპას ობიექტივში
ქართული გალობა
ბათუმის წმ. ანდრია პირველწოდებულის სახელობის სკოლასთან არსებობს ანზორ ერქომაიშვილის სახელობის
ქართული საეკლესიო გალობისა და ეთნომუსიკოლოგიის სკოლა!
სკოლაში სწავლება უფასოა!
მსურველებს შაბათობით
I-Vკლასების მოსწავლეებისთვის 14:00 სთ-ზე, ხოლო
VI კლასის ზემოთ 17:00 საათიდან N 100 აუდიტორიაში გელოდებათ პედაგოგი ეკა ბჟინავა, რომელსაც დეტალების დაზუსტების მიზნით შეგიძლიათ
დაუკავშირდით ტელ. 593284206!
🏫📚👩🎓🌺ბსუ-ს ყველაზე მაღალქულიანი პირველკურსელი სტუდენტი გიმნაზიელია! 👏👏👏👏👏👏📖📖📖📖🎓🎓🎓🎓
🏫📚🎓🌺 გიმნაზიელთა წარმატება!
📢📢📢 პატივცემულო მშობლებო!
ბათუმის წმინდა ანდრია პირველწოდებულის სახელობის სკოლის 2022-2023 სასწავლო წლის აკადემიური კალენდარი (ანოტაციით)
🏫📖👨🎓👩🎓2022 წლის 15 სექტემბერი!
🏫📚🎈ღია კარის დღე
ა(ა)იპ ბათუმის წმ. ანდრია პირველწოდებულის სახელობის სკოლის 2022-2023 სასწავლო წლის I-XII კლასების სახელმძღვანელოების ჩამონათვალი
🌎 მედიაწიგნიერების ტრენინგი
ბათუმის წმ. ანდრია პირველწოდებულის სახელობის სკოლის მოსწავლეთა ფორმის ესკიზები
🌎📚 "ჩვენ ყველანი თავისუფლებისთვის დავიბადეთ”
"მოიპოვე გული გონიერი!"
სადისერტაციო თემა: "საზოგადოებრივ-პოლიტიკური ვითარება აჭარაში XX საუკუნის 30-იან წლებში".
დისერტაციის დაცვის თარიღი: 15 ივლისი 2022 წელი