2022 წლის 3 ნოემბერს ბათუმის წმინდა ანდრია პირველწოდებულის სახელობის სკოლის IV-3 კლასის მოსწავლეებმა და ქართული ენის პედაგოგმა რუსუდან თოიძემ სტუმრად მოიწვიეს საბავშვო მწერალი დალი თედორაძე.
მოსწავლეებმა წაიკითხეს მისი ავტორობით გამოცემული ზღაპრების წიგნი -«როგორ გაჩნდნენ დევები».
იმსჯელეს წაკითხულის შესახებ, შექმნეს და წარმოადგინეს კომიქსები.
ავტორსა და მოსწავლეებს შორის გაიმართა საინტერესო და სახალისო საუბარი.
მწერალმა გულწრფელი პასუხები გასცა პატარების მიერ დასმულ შეკითხვებს .
ბავშვების სურვილის გათვალისწინებით დაიგეგმა მომავალი შეხვედრა.
IV-3 კლასის დამრიგებელი და ქართული ენის პედაგოგი რუსუდან თოიძე მადლობას უხდის ქალბატონ დალის გულისხმიერებისთვის!